POLITIK KONFIDANSYALITE

📋 KI ENFÒMASYON NOU KOLEKTE

Lè w kreye yon kont sou ENIGMA, nou mande w:

• Non itilizatè (piblik — sa moun wè nan klasman ak konkou yo)
• Modpas (chifre/ankripte, nou pa janm ka wè l an klè)
• Non konplè, telefòn/WhatsApp, ak vil (opsyonèl men rekòmande — sèvi SÈLMAN pou verifye idantite ou lè w genyen yon pri, ak pou kontakte w)

Nou kolekte tou otomatikman: pwen ou fè, pwogrè ou nan jwèt yo, ak dat/lè aktivite ou.

🔒 KIYÈS KI KA WÈ ENFÒMASYON OU

Non itilizatè, nivo, ak pwen ou parèt piblikman nan klasman ak konkou yo.

Non konplè, telefòn, ak vil ou se SÈLMAN admin platfòm nan (Gran Laku Show / Natmedias) ki ka wè yo — yo pa janm afiche piblikman, yo pa vann ni pataje ak okenn twazyèm pati.

🎯 POUKISA NOU BEZWEN ENFÒMASYON SA YO

• Pou nou ka verifye e kontakte ganyan pri yo chak wikenn
• Pou nou ka anpeche moun kreye plizyè kont pou triche
• Pou nou ka amelyore jwèt la ak kontni li dapre kijan moun jwe

🗑️ EFASE KONT OU

Nan app la, ale nan Kont → Pwofil, epi klike "Efase kont mwen nèt". Sa efase tout done ou yo (pwen, pwogrè, enfòmasyon pèsonèl) nèt e imedyatman — nou pa kenbe okenn kopi apre sa.

📣 NOTIFIKASYON PUSH

Si w aksepte notifikasyon yo, Google ba aparèy ou a yon idantifyan teknik (yon « token » Firebase Cloud Messaging). Nou estoke idantifyan sa a sou sèvè nou an sèlman pou nou ka voye anons yo (konkou, pri, nouvèl) sou telefòn ou.

• Token sa a pa gen okenn enfòmasyon pèsonèl ladan l — li pa di ki moun ou ye, ni kote w ye.
• Li chanje poukont li si w reyenstale app la oswa si w netwaye done yo.
• Si w koupe notifikasyon yo nan paramèt telefòn ou, nou sispann sèvi avè l.
• Lè w efase kont ou, nou efase token an tou.

Nou sèvi ak Firebase Cloud Messaging (Google) sèlman pou livre notifikasyon yo. Nou pa sèvi ak okenn zouti analiz, ni okenn rezo piblisite.

🍪 SEKIRITE

Modpas ou yo ankripte (bcrypt). Koneksyon ant app la ak sèvè a ap pase sou HTTPS lè platfòm nan piblik sou entènèt. Nou pa janm mande w kat kredi oswa enfòmasyon bankè pou jwe.

📧 KONTAK

Si w gen kesyon sou done ou yo, kontakte nou atravè GRANLAKU.COM oswa NATMEDIAS.COM.